Ciidamada milateriga Somalia iyo daraawiishta Galmudug ayaa saaka gaaray degaano hoostaga degmada Xarardheere ee gobolka Mudug oo ay gacanta ku hayeen Al-shabaab.
Degaanada ay gaareen ciidamada iskashanaya ayaa waxaa ka mid ah Miliqo, dabagalo, Cell Cabdi iyo kuwa kale oo hoostaga degmada Xaradheere.
Saraakiisha ciidanka hogaamineysa ayaa u sheegay Warbaahinta dowladda in ciidanku ku sii jeedo Xaradheere oo ay gacanta ku hayaan dagaalyahano ka tirsan Al-Shabaab.
Taliyaha Ciidanka Dhulka ee Xoogga dalka Jen. Biixi oo howlgalka horkacayo ayaa kormeeray xaafadaha degaannada ay Ciifamada kala wareegeen Al-Shabaab.
Ciidanka xoogga dalka iyo kuwa Daraawiishta Galmudug ayaa waxaa ay weli howlgallo kala duwan ka wadaan degaano hoostaga degmada Xarardheere oo talis weyn u ah Al-Shabaab.
