Madaxweynaha maamulka Somaliland, Muuse Biixi Cabdi ayaa munaasibada ciidal fidriga awgeed cafis u fidiyey Maxaabiista dembiyada fudud ku xukuman ee xabsiyada dalka ku xiran, kuwaasoo tiradoodu dhan tahay 511 (Shan Boqol iyo Kow iyo Toban) maxbuus
Wareegtada ayaa waxay u dhigneyd wareegtada madaxweynuhu sidan:-
Wareegto Madaxweyne Cafis
Markaan Arkay: Dastuurka Jamhuuriyadda Somaliland, Qodobka 90aad, Xubintiisa 5aad;
Markaan Arkay: Xeerka Ciqaabta Guud, Qodobkiisa 149aad;
Markaan Tixgaliyey: In Cafis Loo Fidiyo Maxaabiista Dembiyada Fudud Ku Xukuman, Munaasibaadda Ciidal Fidrida
awgeed ee sannadka 1439 ee Hijriyda, kuna beegan 2018;
Markaan La-tashaday: Hay’adaha Ay Khusayso;
Waxaan Go’aansaday;
In laga bilaabo taariikhda maanta aan cafis buuxa u fidiyo Maxaabiista dembiyada fudud ku xukuman ee xabsiyada dalka ku
xidhan, oo tiradoodu dhan tahay 511 (Shan Boqol iyo Kow iyo Toban) maxbuus.
Cafiskani saamayn kuma laha xuquuqda madaniga iyo raadka ciqaabeed ee ka dhashay dembiyadda ay ku xukunnaayeen, sida
ku xusan qodobka 92 ee Xeerka Ciqaabta Guud.
Waxa cafiskan fulinaya Xafiiska Xeer Ilaaliyaha Guud ee Qaranka, iyada oo la raacayo liiska Maxaabiista Wareegtadan ku
lifaaqan.
ALLAA MAHAD LEH
Muuse Biixi Cabdi
Madaxweynaha Jamhuuriyadda Somaliland
Xafiiska Shabakada Allbanaadir.com
Muqdisho Somalia
Allbanaadir@live.com
