Allbanaadir.com
NEWS

Dagaal dhiig badan ku daatay oo saakay ka dhacay Muqdisho iyo Faah faahino kasoo baxaya

Waxaa saakay dagaal u dhaxeeyay ciidamo kawada tirsan dowlada Soomaaliya uu ka dhacay Isgooska Ex-koontarool Afgooye ee magaalada Muqdisho, waxaana dagaalkan ka dhashay khasaaro isugu jira dhimasho iyo dhaawac.

Goobjoogayaal ayaa ku waramay in dagaalka u dhaxeeyay ciidamo kawada tirsan dowlada oo isku qabsaday lacago laga qaado gaadiidka halkaasi ka rarta, waxaana dagaalka bilowday xili goobtaasi dad badan shacab ah ku sugnaayeen.

Dagaalka oo la isku adeegsaday hubka fudud ayaana socday daqiiqado badan, waxaana markii dambe goobta isaga tagay ciidamadii halkaasi ku dagaalamay oo qaarkood khasaaro kasoo gaaray dagaalka.

Inta la xaqiijiyay 6-qof oo afar kamid ah shacab yihiin ayaa dagaalka ku geeriyootay, waxaana dadka dhintay ku jiray arday goobtaasi gaari ka raaceysay iyo sidoo kale hooyo halkaasi ku laheyd maqaayad.

Ciidamada dowlada ee dagaalamay ayaa halkaasi gaadiidka dadweynaha ee ka rarta rakaabka ka qaadi jiray lacago baad ah, lacagahaasi ayaana saakay sababay in ay ku dagaalamaan ayna galaaftan nolosha dad shacab ah oon waxbo galabsan.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Ra’isul Wasaare Hamdok iyo Wasiiro oo wali xabsi ku jira iyo Ciidamo badan oo lasoo …

Cabdi Cade

Xiisad Siyaasadeed oo ka taagan Garawe iyo Xildhibaano wada Mooshino iska soo horjeeda

Cabdi Cade

Madaxweyne Farmaajo oo saakay magacaabay Taliyaal ciidan (Akhriso)

Cabdi Cade
Taboola Ads ---