Dad lagu tuhmay inay taageeraan Kooxda TPLF ee ka dagaalanta gobolka Tigray ee dalka Itoobiya ayaa lagu xirxiray Magaalada Jigjiga ee Xarunta Dowlad degaanka Soomaalida.
Booliska degaanka ayaa shaaciyey iney xabsiga dhigeen 28 qof oo looga shakiyay inay taageerayeen Kooxda TPLF oo dagaalka kula jirta Ciidamada Federaalka Itoobiya.
Taliyaha Booliska degaanka Soomaalida Maxamed Yare ayaa Warbaahinta uu sheegay in sidoo kale gacanta lagu dhigay hantidii ay lahaayeen dadkaas oo la tuhunsan yahay inay ku maalgalinayeen TPLF ama ay horayba uga dhaceen shacabka degaanka xiligii taliskii TPLF uu Itoobiya maamulayey.
Itoobiya ayaa dagaal adag kula jirtaa Kooxda TPLF ee ku sugan Gobolka Tigray ee Waqooyiga Itoobiya oo dhowaan dib u qabsatay.
Xafiiska Shabakada Allbanaadir.com
Muqdisho Somalia
Allbanaadir@live.com
