Kooxo burcad ah oo u dhashay dalka Koofur Afrika ayaa caawa dilay dil iyo dhaawac ugu geystay magaalada Cape Town labo wiilal walaalo ah oo Soomaaaliyeed
Rag hubeysan ayaa dukaankooda ugu galay wiilashan Soomaalida ah xili ay ku guda jireen howlahooda ganacsi, iyagoo dilay Axmed Macalin Jimcaale, halka ay dhaawaceen walaalkiis ka weyn Maxamed Macalin Jimcaale.
Weerarkan ayaa ka dhacay Xaafadda Kraaifontein oo ka tirsan Magaalada Cape Town ee Dalka Koonfur Afrika.
“Dukaanka Saddex Wiil ayey ku joogeen, Tuugada oo shan nin ahaa ayaa iyagoon qofna wax weydiinin xabadaha ku asqeeyey dukaanka, taasoo haleeshay Axmed oo halkaas ku dhintay iyo Maxamed oo hadda yaalla Isbitaalka Kraaifontein, waxayna burcada dhaceen lacagihii Dukaanka yiilay” ayuu yiri mid kamida Ganacsatada tagay goobta ay dhacdadu ka dhacday.
Booliska dalka Koonfur Afrika oo goobtaas gaaray wax yar ka dib ayaa wada baaritaano, iyadoo kooxdii burcada aheyd ay goobta goor horeba ka baxsadeen.
Xafiiska Shabakada Allbanaadir.com
Muqdisho Somalia
Allbanaadir@live.com
