Meydadka laba wiil oo Walaalo ah ayaa laga helay saaka Wabiga Shabeelle ee dhexmara gudaha Magaalada Baledweyne ee gobolka Hiiraan meel ku aadan xaafada Buundaweyn.
Labada Wiil ee walaalaha ahaa ayaa shalay Kiliga Waraaboole ee xaafada Buundaweyn Wabiga uga dhacay, waxayna doonayeen iney ku dabaashaan, hase ahaatee wiilashan oo aan dabaasha aqoon iyo webiga oo buuxay ayaa sababay iney halkaas ku dhintaan.
Wiilashan meydkooda laga dhex helay wabiga Shabeelle ayaa lagu kala magacaabi jiray Qaalid Nuur Caddow iyo Feysal Nuur Caddow.
Wabiga Shabeelle ayaa inta badan waxa uu qaada caruurta u dabaal tagta ee aanan garaneyn dabaasha, waxaana mararka qaarkood meydadkooda laga soo helaa meelo aad uga fog goobta ay ka galeen.
Xafiiska Shabakada Allbanaadir.com
Muqdisho Somalia
Allbanaadir@live.com
