Madaxweynaha Dowlad goboleedka Jubaland Mudane Axmed Maxamed Islaam, ayaa maanta qasriga Madaxtooyada ku qaabilay qaar kamid ah dhalinyarada aqoonyahanka Soomaaliyeed oo Magaalada Kismaayo tagay.
Dhalinyaradan aqoonyahanada uu qaabilay Madaxweynaha Jubbaland oo ka kala tagay Muqdisho iyo meelo kale ayaa magaalada Kismaayo u tagay dalxiis halku dhagiisu yahay “kaalay Kismaayo soo arag”,
Madaxweynaha Jubbaland ayaana uga mahad celiyay dhalinyaradan aqoonyahanada dalxiiska ee Kismaayo ku yimaadeen, waxa uuna tilmaamay in Kismaayo tahay magaalo dalxiis oo nabad ah ayna imaan karaan cid kasta.
Magaalada Kismaayo iyo duleedkeeda ayaa waxaa kuyaala goobo dalxiis oo dadka soo jiita lana ageeyo marka ay tagaan magaaladaasi, waxaana kamid ah deegaanka Goobweyn ee kuyaala duleedka Kismaayo iyo goobo kale ay kamid yihiin dhulka xeebta.
Xafiiska Shabakada Allbanaadir.com
Muqdisho Somalia
Allbanaadir@live.com
