Booliiska Caalamiga ee Interpol ayaa howlgal qorsheesan ay fuliyeen kula wareegay xarumo iyo baraha Internet ay leedahay shirkada Double VPN oo lagu eedeeyay in ay gacan siisay dambiilayaal caalami ah.
War kasoo baxay booliiska caalamiga ayaa lagu sheegay in shirkada internetka ee Double VPN ay gacan siisay burcada caalamiga ah laguna qarin jiray aqoonsiyada iyo halka ay ku sugan yihiin dembiilayaasha internetka.
Baraha ay shirkadan VPN laheyd ayaa booliiska caalamiga ku qoreen fariimo ay dadka ku wargalinayaan in hay’adaha xoojinta sharciga la wareegeen warbixinta iyo xogta ku keydsan baraha shirkaddan.
Shirkadda Double VPN ayaa la sheegay in aad loogu xayeysiin jiray burcadda internet-ka ee ku hadla afafka ingiriisiga iyo Ruushka, waxaana howlgalka shirkadan lagula wareegay iska kaashaday booliiska dalalka Yurub, Mareykanka,Canada iyo booliiska caalamiga .
Xafiiska Shabakada Allbanaadir.com
Muqdisho Somalia
Allbanaadir@live.com
