Waxaa heer gabo gabo ah maraya dhismaha Xabsi aad u qurux badan iyo sidoo kale Xarumo ay ku shaqeeyaan Garsoorka dalka oo laga dhisayo xaruntii hore ee ciidanka Asluubta oo kutaala Duleedka Muqdisho.
Xabsigan oo ah mid aad u weyn ayaa hada dhismihiisu marayaa heer gabo gabo ah, waxaa sidoo kale goobtan laga dhisayaa xafiisyo iyo goobo kale ay ku shaqeeyaan Hay’adaha garsoorka dalka.
Taliyaha Ciidanka Asluubta Soomaaliyeed S/guud Bashiir Maxamed Jaamac , iyo Taliyaha Ciidanka Booliska Soomaaliyeed S/guuto Bashiir Cabdi Maxamed Ameeriko ayaa galabta kormeer ku tagay goobta laga dhisayo xabsigan casriga ah.
Taliyaashan ayaa kormeeray qeybaha kala duwan ee xabsiga uu dhismuhu ka socdo, waxa ayna soo arkeen qeybaha kala duwan ee xabsigaasi oo la filayo dhisimihiisa in dhawaan lasoo gabo gabeeyo.
Dhismaha Xabsigan ayaa hadii lasoo gabo gabeeyo la filayaa in loo soo wareejiyo maxaabiista ku xiran xabsiga dhaxe ee Xamar, waxaa sidoo kale dhismahan ku shaqeyn doono Hay’adaha garsoorka dalka.
Xafiiska Shabakada Allbanaadir.com
Muqdisho Somalia
Allbanaadir@live.com
