Jabhadda TPLF ayaa sheegtay inay ku wajahan yihiin gobolka Amxaarada ee dalka Itoobiya iyo dalka Eritrea si ay u baacsadaan waxay ku tilmaameen cadowga.
Getachew Reda Afhayeenka TPLF ayaa sheegay in ujeedka go’aankaas uu yahay inay meesha ka saaraan awoodda kooxihii dagaalka ka waday Tigray sideedii bilood ee la soo dhaafay.
Wuxuu intaas ku daray in la furayo marinnada gargaarka balse ay weli ku raad-joogaan ciidamada cadowga sida uu yiri
TPLF waxay sheegtay in baacsanayaan ciidamada federaalka ee ka baxsaday magaalada caasimadda Tigray ee Mekelle.
Waxaa lagu soo warramayaa in ciidamadii Eritrea ee taageerayay militeriga Itoobiya ee ku sugnaa magaalada Shire ay isaga baxeen halkaas, ayna si buuxda mar kale halkaas ugu gacan gashay TPLF
Ciidamada TPLF ayaa qabsaday shalay magaalada Mekelle, taasoo saraakiisha dowladda federaalka ku khasabtay in halkaas ay isaga cararaan.
Xafiiska Shabakada Allbanaadir.com
Muqdisho Somalia
Allbanaadir@live.com
