Wasiirka cusub ee Wasaaradda gaashaandhiga Xasan Cali Maxamed Brig. Jen. Pietro Addis oo ah taliyaha xafiiska howlgalka Midowga Yurub ee Soomaaliya ayaa kulan ku yeeshay magaalada Muqdisho.
Saraakiisha Midowga Yurub ayaa ugu hambalyeeyey Wasiirka cusub ee Gaashaandhigga xilka loo magacaabay, iyagoo balanqaaday in ay si dhab ah ula shaqeyn doonaan.
Wasiirka Gaashaandhiga Soomaaliya ayaa kala hadlay Saraakiisha midowga Yurub dardargelinta taageerada ay siiyaan ciidanka Xoogga Dalka sida tababarada, qalabeynta iyo talooyinka ku aadan arrimaha ciidamada.
Brigader Pietro Addis oo ah taliyaha xafiiska howlgalka Midowga Yurub ee Soomaaliya ayaa ammaanay dib u habaynta lagu sameeyey hoggaanada ciidanka Xooga Dalka, wuxuuna u xaqiijiyay Wasiirka inay ka soo bixi doonaan kaalintooda ku aadan garab istaaga ciidamada.
Midowga Yurub waxay dardar geliyeen taageerada ay siiyaan ciidanka Xooga Dalka, dhinacyada tababarada ciidanka, si ay u gutaan waajibaadka Qaran ee horyaala.
Xafiiska Shabakada Allbanaadir.com
Muqdisho Somalia
Allbanaadir@live.com
