Madaxweynaha Dowlad goboleedka Puntland Mudane Siciid Cabdullaahi Deni iyo Wafdi uu hoggaaminayo ayaa goordhaw soo gaaray garoonka diyaaradaha Aadan Cadde ee magaalada Muqdisho.
Siciid Deni iyo wafdiga la socday waxaa garoonka diyaaradaha Aadan Cadde kusoo dhaweeyay Wasiiro katirsan Xukuumada Soomaaliya, Xildhibaano, saraakiil iyo masuuliyiin kale oo dowlada katirsan.
Madaxweynaha Puntland ayaa magaalada Muqdisho u yimid ka qeybgalka Shirka wadatashi ee looga hadlayo dardargelinta Doorashadda, shirkan ayaa waxaa iclaamiyay Ra’isul Wasaaraha Xukuumada Soomaaliya.
Magaalada Muqdisho waxaa horey usoo gaaray Madaxda maamulada Koonfur Galbeed iyo Jubbaland, waxaa iyana saacadaha soo aadan la filayaa in Muqdisho soo gaaraan madaxda maamulada Hirshabelle iyo Galmudug.
Xafiiska Shabakada Allbanaadir.com
Muqdisho Somalia
Allbanaadir@live.com
