Sarkaal la sheegay inuu ka tirsanaa ciidanka Booliska ayaa lagu dilay duhurnimadii maanta degmada Yaaqshiid ee magaalada Muqdisho.
Wararka ayaa sheegaya in Cumar Idiris oo ahaa Madixii danbi baarista Saldhiga Degmada Yaaqshiid ay dileen rag bastoolado ku hubeysan oo rasaas ku furay.
Goob joogayaal ayaa sheegaya in marxuumka la dilay xili uu ku sii jeeday Masaajid ku dhow hoygiisa oo ku yaalla degmada Yaaqshiid, wuxuuna ahaa nin da’ ah oo si weyn looga yaqaano degaanka.
Raggii dilka geystay ayaa goobta ka baxsaday, waxaana halkaas gaaray ciidamada amaanka oo sameeyey baaritaano kala duwan sida ay sheegeen dadka degaanka.
Saraakiisha amaanka ayaan ka hadlin dilka sarkaalkan oo la aaminsan yahay iney ka dambeeyeen kooxda Al-shabaab oo horey u sheegatay dilal noocan ah.
Xafiiska Shabakada Allbanaadir.com
Muqdisho Somalia
Allbanaadir@live.com
