Dagaalyahano katirsan Al Shabaab ayaa xalay weerar xoogan kusoo qaaday bar koontarool oo ciidamada booliiska gaar ahaan kuwa Haram Cad ka joogaan deegaanka Xaawo Cabdi ee duleedka magaalada Muqdisho.
Iska hor imaad daqiiqado socday ayaa dhax maray ciidamada Haramcad iyo dagaalyahanada soo weeraray, waxaana dadka deegaanka sheegeen in ay maqlayeen dhawaqa rasaasta ay labada dhinac is dhaafsanayeen.
War kasoo baxay taliska ciidamada booliiska ee Haramcad ayaa lagu sheegay in ay iska difaaceen weerar ay kusoo qaadeen dagaalyahano katirsan Al Shabaab ayna khasaaro ku gaarsiiyeen.
Waxa ay sheegeen booliiska Haramcad in gacanta ku dhigeen sadex dagaalyahan oo katirsan dagaalyahanadii weerarka kusoo qaaday iyo gaari nuuciisu yahay Homy ay wateen kooxda weerarka kusoo qaaday.
Dagaalyahanada Al Shabaab weeraro ku qaada fariisimaha ciidamada dowlada ka joogaan duleedka magaalada Muqdisho, waxa ayna inta badan beegsadana ciidamada ilaaliya dhismaha laamiga isku xira Muqdisho iyo Afgooye.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/efy__7pGtqc
