Kooxda Farsamada Arrimaha Doorashooyinka ee Xafiiska Ra’iisul Wasaaraha ayaa ku amray xubnaha guddiga doorashooyinka Heer federaal iyo heer dowlad goboleed in ay si deg deg ah kusoo gaaraan magaalada Muqdisho.
Guddoomiyaha Kooxda Farsamada Arrimaha Doorashooyinka ee Xafiiska Ra’iisul Wasaaraha Cabdulqaadir Cilmi Cali ayaa ugu baaqay xubnaha guddiga doorashooyinka in ugu dambeyn yimaadaan Khmaiista Muqdisho si tababar loo siiyo iskana dhax doortaan hogaan.
Waxa uu sheegay Cabdulqaadir Cilmi in guddiyada doorashooyinka marka ay qaataan tababarka ay aadi doonaan deegaan doorashooyinka loo xil saaray si ay u guda galaan shaqadii loo xil saaray .
Tababarka la siinayo xubnaha guddiga farsamada iyo xalinta khilaafadaka doorashooyinka ayaa furmi doono 27 bishan, waxaana guddiyadan la bari doonaa qabsoomida doorshooyinka heer federal iyo heer maamul goboleed, iyadoo lagu diyaarin doono qorshe hawl fulinta doorashooyinka iyo jadwalka doorashada.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/Bl2BSQeF2nI
