Golaha Wadatashiga Qaran ayaa dhowaan isugu tagaya magaalada Kismaayo oo u shirkooda xiga ka furmayo sida ay sheegayaan ilo wareedyo lagu kalsoon yahay
Golaha oo ka kooban Madaxweynayaasha Dowlad Goboleedyada dalka, Guddoomiyaha Gobolka Banaadir iyo Ra’iisul Wasaare Rooble ayaa kulankooda Kismaayo waxaa uu noqonayaa kii labaad ka dib shirkii Muqdisho
Waxyaabaha diirada lagu saarayo kulankan waxaa ka mid ah dardar gelinta qorshaha doorashada, qiimeynta wixii ka qabsoomay heshiiska lagu saxiixay Muqdisho dhamaadkii bishii hore iyo sidii looga gudbi lahaa caqabadaha jira.
Dhinacyadan ayaa Muqdisho ku gaaray 27kii May heshiis ku saabsanaa qabashada doorashada dalka, waxaana qodobada heshiiskaas ka fulay ka mid ah guddiyada doorashooyinka oo laga saaray qaar ka mid ah xubnihii laga cabanayey ee ka tirsanaa shaqaalaha dowladda iyo ciidamada inkastoo musharaxiinta qaarkood ay shaki badan qabaan.
