Gaadiidka Dhismaha iyo Injineero u dhashay dalka Masar oo gaaray Gaza (Daawo Sawirro)

Dhulka Falastiin waxaa gaaray Gaadiidka waa weyn ee Cagafcagafyada iyo gaadiid kale oo nuuca dhismaha ah oo dowlada Masar u dirtay Marinka Gaza , si ay gacan uga haystaan Dib-u-dhiska dhismooyinkii ku burburay dagaalkii u dhaxeeyay Israa’iil iyo Xamaas.

Waxaa sidoo magaalada Gaza gaaray Injineero iyo shaqaale dhinaca Dhismaha oo u dhashay dalka Masar kuwaa oo diyaarinaya  Naqshadaha Dib-u-dhiska daarooyinkii ku bur buray duqeymaha Israa’iil ka fuliyeen Gaza.

Gaadiidka iyo Injineerada u dhashay dalka Masar ee gaaray dhulka Falastiin ayaa si weyn loo soo dhaweeyay, waxa ayna kooxdan si deg deg ah uga howlgali doonaan magaalada Gaza si ay u fuliyaan shaqada loo diray.