Siyaasiyiin Mucaarad ah oo bogaadiyay talaabo uu qaaday Ra’isul Wasaare Rooble

Qaar kamid ah siyaasiyiinta mucaaradka ku ah Dowlada uu hogaamiyo Madaxweyne Farmaajo ayaa bogaadiyay talaabadii uu Ra’isul Wasaaraha Soomaaliya Maxamed Xuseen Rooble ku bedelay ciidamada asluubta ee ku sugnaa koontarool kuyaala Muqdisho.

Rooble ayaa amar ku bixiyay in ciidamada asluubta ee ku sugnaa koontaroolka laga ilaaliyo Maxkamadaha iyo Xabsiga Dhaxe  laga qaado halkaasi laguna wareejiyo ciidamo booliis ah kadib iska hor imaad dhawaan halkaasi ka dhacay.

Xildhibaano iyo siyaasiyiin kale oo katirsan xisbiyada mucaaradka ee dalka ka jira ayaa bogaadiyay talaabada lagu bedelay ciidamadii asluubta ee rasaaseeyay maalmo kahor Xasan Sheekh Maxamuud Madaxweynihii hore ee Soomaaliya.