Ra’isul Wasaaraha Xukuumada federaalka Soomaaliya Maxamed Xuseen Rooble iyo wefdi uu hogaaminayo ayaa goordhaw gaaray magaalada go’doonsan ee Jowhar ee caasimada dowlad goboleedka Hirshabelle.
Wafdiga Ra’isul Wasaare Rooble waxaa kusoo dhaweeyay magaalada Jowhar Madaxweynaha maamulka Hirshabelle Cali Guudlaawe Xuseen iyo masuuliyiin kale oo katirsan maamulka Hirshabelle.
Ra’isul Wasaare Rooble ayaa u tagay magaalada Jowhar sidii uu usoo arki lahaa xaalada ka taagan magaaladaasi oo wabiyaha Shabelle ku fatahay ayna biyo xireen wadooyinkii magaaladaasi laga gali jiray.
Wefdiga Rooble ayaana kormeer ku sameyn doona qeybo kamid ah magaalada Jowhar, waxa ayna la kulmi doonaan Madaxweynaha maamulka Hirshabelle iyo masuuliyiin kale si ay uga dhageestaan xaalada ka jirta Jowhar iyo deegaanada kale ee Hirshabelle.
Xafiiska Shabakada Allbanaadir.com
Muqdisho-Somalia
Allbanaadir@live.com
