Xubnaha midowga Musharaxiinta ayaa caawa kulan xasaasi ah ku yeeshay Hotel ku taalla xeebta Liido ee magaalada Muqdisho.
Xubnaha ka qeyb galay kulankan ayaa waxaa ka mid ahaa Shariif Shiikh Axmed, Xassan Shiikh Max’uud, C/raxmaan C/shakuur, Xassan Cali Khayre, C/kariin Guuleed iyo xubno kale.
Shariif Shiikh Axmed ayaa boggiisa facebook ku qoray in kulanka caawa uu ahaa casho iyo isxog-wareysi ay iskugu yimaadeen musharaxiinta, ayna ka wada hadlayeen xaaladihii ugu dambeeyey ee siyaasada dalka.
Kulankan ayaa sidoo kale u muuqda mid looga jawaabayo hadalo dhowaan ay baahiyeen warbaahinta gudaha oo sheegayey khilaaf adag soo kala dhex galay xubbaha midowga musharaxiinta.
Waxaa la filayaa in xubnahan ay dhowaan kala baxaan oo nin walba uu jikadiisa gooni u shito, maadaama laga heshiiyey khilaafkii ka dhashay muddo kororsiga Farmaajo, ayna DF iyo dowlad goboleedyada isla meel dhigeen hanaankii loo qaban lahaa doorashada.
Xafiiska Shabakada Allbanaadir.com
Muqdisho-Somalia,Â
Allbanaadir@live.com
