Waxaa shalay si habsami leh u soo idlaaday doorashadii goleyaasha deegaanka iyo wakiillada ee Somaliland, iyadoo dadweynuhu ay sugayaan ku dhawaaqista natiijada doorashadan.
Guddiga doorashada Somaliland ayaa lagu wadaa in ay saacadaha soo socda soo gaba-gabeeyaan tirinta codadka doorashada ee gobollada qaar, iyaga oo ku dhawaaqi doona natiijooyinka kama dambeysta ah.
Ilaa iyo hadda ma jirto saadaal rasmi ah oo ku aaddan xisbiga la filaayo inuu ku guuleysto aqlabiyadda kuraastii loo tartamay.
Xog laga helay doorashada Somaliland ayaa sheegeysa in qiyaastii 55% codbixiyeyaasha is diiwaangaliyay ay da’doodu ka yareyd 25-jir. Sidoo kale 53% codbixiyeyaashu ay ahaayeen rag, halka 47% ay dumar ahaayeen.
Shacabka Somaliland ayaa rajeeynaya doorashada Isniinta maanta ah bilalabatay inay sare u qaaddo fursadaha Jamhuuriyadda iskeed madax banaanida ugu dhawaaqday ay ku hesho aqoonsi caalami ah, sida ay qortay Mary Harper oo falanqeysa arrimaha Geeska Afrika.
2,709 xarumaha codbixinta ayey cod bixiyeyaashu ayey maalinti shalay ahayd shacabka Somaliland codkooda ka dhiibteen, iyada oo codbixinta doorashadana ay iisu diiwaangeliyeen dad gaaraya 1,065,847.
Xafiiska Shabakada Allbanaadir.com
Muqdisho-Somalia
Allbanaadir@live.com
