Laba nin oo walaalo ah oo ku nool dalka Maraykanka kuwaasoo in ka badan soddon sano u xirnaa dembi aysan galin ayaa la gudoonsiiyey lacag magdhow ah oo gaareysa 70 milyan oo Dollar
Henry McCollum iyo walaalkiis oo ay isku aabbo yihiin Leon Brown, ayaa laba jeer lagu xukumay dembi la xiriira kufsi iyo dil loo geystay gabar 11 jir ah sanadkii 1983.
Hase ahaatee Sanadkii 2014, waxaa la helay caddaymo cusub oo la xiriira hidde-sidaha dhiiga ee DNA, taasoo horseeday in cafis buuxa loo fidiyo labada nin.
Jimcihii ayaa loo xukumay magdhow gaaraya la siiyo min 31 milyan oo doollar Lacagtaas ayaa u dhiganta 1 milyan oo doollar sanad walba oo ay xabsiga ku qaateen. Waxaa kale oo loo xumay 13 milyan oo doollar oo dheeraad ah.
“Waxaa mahadsan Alle,” ayuu yiri McCollum, isaga oo ilmaynaya, markii uu ka soo baxayay qolka maxkamadda isaga iyo walaalkiis, ku dhowaad toddobo sano ka dib markii uu garsooraha xukumy in la sii daayo.
Xafiiska Shabakada Allbanaadir.com
Muqdisho-Somalia
Allbanaadir@live.com
