Waxaa sii kordhaya khasaaraha nafeed ee ka dhashay qaraxii ismiidaaminta ahaa ee caawa lagu weeraray saldhiga Booliska degmada Waaberi ee magaalada Muqdisho.
Qaraxa ayaa waxaa fuliyey qof isku soo xiray waxyaabaha qarxa ee beegsaday saldhiga Waaberi oo ku yaalla wadada Maka Al Mukarama.
Allaha u naxariisto Gaashaanle Cabdi Baasid Maxamud Cagey oo kamid ahaa saraakiishii ku dhaawacmay Qaraxan ayaa u geeriyooday dhaawacii soo gaaray
Gaashaanle dhexe Cabdi Baasid ayaa ahaa ku xigeenka Taliyaha Qeybta Waliyow Cadde ee Booliska Gobalka Banaadir.
Kooxda Al-Shabaab ayaa sheegatay mas’uuliyadda weerarka argagixiso ee caawa lagu qaaday Saldhigga Booliska Dagmada Waaberi oo sidoo kale horey loo shaaciyey iney ugu geeriyoodeen taliyihii saldhiga Waaberi iyo dad kale oo badan.
Laamaha amaanka DF ayaan weli wax war ah ka soo saarin qaraxan oo noqonaya kii ugu ugu horeeyey noociisa ah ee ka dhaca Muqdisho tan iyo markii la guda galay bisha Ramadaan oo haatan geer gebogebo ah.
Xafiiska Shabakada Allbanaadir.com
Muqdisho Somalia
Allbanaadir@live.com
