Dowlada Hoose ee Xamar ayaa wada dadaalo biyaha fadhiistay qaar kamid ah wadooyinka magaalada Muqdisho looga dhurayo ama looga dhuuqayo, si aysan u go’in wadooyinkaasi ama waxyeelo u gaarsiin xaafadaha ku dhaw dhaw.
Qaar kamid ah wadooyinka magaalada Muqdisho ayaa waxaa fadhiistay biyo badan oo ka dhashay roob saacadihii lasoo dhaafay ka da’ayay magaalada Muqdisho, waxa ayna biyahaasi roobka sababeen in ay go’aan qaar kamid ah wadooyinkii la isticmaali jiray.
Maamulka gobolka Banaadir ayaa booyado u adeegsanaya in biyaha uga dhuuqaan wadooyinka biyaha badan fadhiyaan, waxaana isbadal laga dareemayaa qaar kamid ah wadooyinka biyaha laga dhuuqay.
Qaar kamid ah wadooyinka Miuqdisho ayaa xili roobaadka waxaa fadhiista biyo badan kuwaa oo xira wadooyinkaasi sidoo kale saameyn ku yeesha isku socodka dadka iyo gaadiidka .
Roobabkii ugu dambeeyay ee ka da’ay magaalada Muqdisho iyo duleedkeeda ayaa sababay khasaaro isugu jira dhinasho , dhaawac iyo bur bur dhismayaal, waxaana wali laga cabsi qabaa in roobka da’aya waxyeelo inta badan magaalada ka geesto.
Xafiiska Shabakada Allbanaadir.com
Muqdisho Somalia
Allbanaadir@live.com
