Amaanka qeybo badan oo kamid ah magaalada Muqdisho ayaa saacadihii lasoo dhaafay si weyn loo adkeeyay kadib markii soo baxday cabsi laga qabo in weeraro ka dhacaan magaalada.
Ciidamo badan oo kuwa amaanka ayaa lasoo dhoobay wadooyin badan oo kuyaala magaalada Muqdisho gaar ahaan wadada Maka Al Mukarama , waxaana la xiray qaar kamid ah wadooyinka Muqdisho.
Saacadihii lasoo dhaafay waxaa soo baxayay digniino dhinaca amaanka ah, waxaana soo baxaya warar sheegaya in gawaari waxyaabaha qarxa laga soo buuxiyay ay ku jiraan qeybo kamid ah magaalada.
Ciidamada Xasilinta ee sugaya amaanka caasimada ayaa feejignaan dheeri ah la galiyay, waxa ayna ciidamada baaritaano ku wadaan gaadiidka maraya wadooyinka qaar gaar ahaan laamiga Maka Al Mukarama.
Magaalada Muqdisho qaraxyo kama dhicin bisha Ramadaan intii lagu jiray, hasa ahaatee magaalada waxaa ka dhacay dilal qorsheesan oo aad u badan oo loo geesanayay dad shacab ah iyo dad u shaqeeya dowlada.
Xafiiska Shabakada Allbanaadir.com
Muqdisho Somalia
Allbanaadir@live.com
