Ra’iisul Wasaaraha Somalia Mudane Maxamed Xuseen Rooble ayaa la kulmay xubno ka tirsan midowga Musharaxiinta
Xubnaha uu la kulmay Rooble ayaa waxaa ka mid ahaa Madaxweynihii hore ee dalka Sheikh Sharif Shiikh Axmed, Musharax Mustaf Dhuxulow iyo xubno kale.
Masuuliyiintan ayaa ka wada hadlay xaaladda guud ee dalka, xasilloonida caaasimadda iyo arrimaha dooraahooyinka sida lagu sheegay qoraal kooban oo ka soo baxay xafiiska RW Rooble.
Shariif ayaa soo dhaweynayaa go’aanka golaha shacabka ay gaareen oo dalka dib ugu celiyey heshiiskii doorasho ee 17 September isagoo ku tilmaamay tallaabo dhanka wanaagsan loo qaadey, oo mudan in lagu bogaadiyo
Kulankan ayaa ku soo aaday xili RW Rooble uu shir isugu yeeray madaxda dowlad goboleedyada iyo gobolka Banaadir kaasoo la qaban doono 20ka bishan May.
Xafiiska Shabakada Allbanaadir.com
Muqdisho Somalia
Allbanaadir@live.com
