Dagaalyahano ka tirsan Al-Shabaab ayaa la sheegay inay xalay weerar ku qaadeen Guri ku yaal degmada Raaga-ceelle ee gobalka Shabeellaha dhexe halkaasoo ay kala baxeen nabadoon ka tirsan dadka degaanka
War kasoo baxay Al-Shabaab ayaa waxaa lagu sheegay inay dileen nabadoonka ay la baxeen oo lagu magacaabi jiray Axmed Jilcane, iyagoo ku eedeeyey inuu sarkaal ka tirsan ciidamada dowlada.
Sidoo kale Al-shabaab ayaa Baraha Internetka ee taageera ku baahisay iney gubeen laba gaari oo uu lahaa Nabadoon Axmed Jilcane kuwaasoo noocoodu ahaa Noah.
Mas’uuliyiinta Maamulka Hirshabelle ee degmada Raaga-ceelle iyo Saraakiisha Ciidamada kama hadlin weerarkaas.
Degmooyin ka tirsan Gobolka Shabeellaha Dhexe ayaa waxaa mudooyinkan ku soo badanayey weeraro ay geysteen dagaalyahano ka tirsan Al-Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/_tO73Zt3P6o
