Qaramada Midoobay xafiiskeeda Soomaaliya ayaa soo dhoweeyay ka noqoshadii uu Aqalka hoose ee Baarlamaanka ku laalay muddo kororsigii labada sano ee Madaxweynaha iyo Baarlamaanka.
“Xaiska Q/Midoobay ee Soomaaliya wuxuu soo dhaweynayaa go’aankii baarlamaanka Federaalka ee ahaa in dib loo soo celiyo heshiiskii doorashada ee 17 Sebtember kadib codsigii Maxamed Farmaajo Codsiga” ayaa lagu yiri qoraalka qoraal kooban oo ay soo saartay QM
Waxay kaloo Q/Midoobay ugu baaqday hoggaamiyeyaasha Soomaalida inay degdeg ugu noqdaan wadahadalka si xal kama dambeys ah looga gaaro arrimha doorashooyinka.
Qaramada Midoobay waxa ay ugu baaqeysaa madaxda Soomaalida in ay dib ugu laabtaan wadahadalka oo ay u diyaar-garoobaan doorashooyinka dib u dhac la’aan; iyadoo la soo dhoweynayo doorka hoggaamineed ee Ra’iisul wasaare Maxamed Xuseen Rooble oo matalaya Dowladda Federaalka ah ee Soomaaliya” ayaa lagu soo gebagebeeyey qoraalka QM.
Xafiiska Shabakada Allbanaadir.com
Muqdisho Somalia
Allbanaadir@live.com
