Kooxo hubeesan aan heebtooda wali la aqoonsan ayaa xaafada Cedar ee magaalada Minneapolis ee gobolka Minnesota ku dilay wiil dhalinyaro Soomaali ah oo ka shaqeenayay xawaalada Taaj.
Burcad hubeesan oo dooneysay in ay dhacaan xawaalada TAAJ ayaa la sheegay in gudaha u galeen xarunta shirkadaasi ee xaafada Cedar, waxa ayna kooxdaasi burcada ah rasaas la dhaceen Liibaan Cusman Baqarre oo u geeriyooday dhaawac culus oo soo gaaray.
Afhayeenka booliska Minneapolis John Elder ayaa sheegay in booliiska baadi goob ugu jiraan dadkii ka dambeeyay dilka Liibaan , waxa uuna xusay afhayeenka in ay socdaan baaritaano isagoona dadka ugu baaqay in helitaanka dambiilayaasha kala shaqeeyaan.
Soomaalida kunool magaalada Minneapolis oo aad uga naxay falkan dilka ah ee loo geestay ninkan dhalinyarada ah ee katirsanaa shirkada Xawaalada TAAJ ayaa isugu soo baxay goobta uu dilku ka dhacay.
Toogasho nuucan oo kale ah ayaa dhawaan magaalada Bloomington ee gobolka Minnesota loogu geestay Macallin Cabdinaasir oo mid ahaa macallimiinta wax ka dhiga dugsiga Qur’aanka ee Al-Jazari ee kuyaala Bloomington.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/xfX6h5CmmOk
