Waxaa socda dadaalo ay wadaan wakiilada beesha Caalamka ee jooga Soomaaliya kuwaa doonaya in mar kale laga hortago in magaalada Muqdisho ka dhacaan dagaalo xoogan oo lamid ah kuwii shalay iyo xalay dhacay.
Wakiilada Beesha Caalamka ayaa xarunta Xalame kula kulmay wakiilo katirsan Midowga Afrika iyo saraakiisha AMISOM, waxa ayna kala hadleen suurto galnimada in ciidamo katirsan AMISOM lakala dhax dhigo ciidamada iska soo horjeeda.
Ciidamada AMISOM ayaa hada ku sugan xarumaha iyo saldhigyada ay ku leeyihiin magaalada Muqdisho, ciidamadan ayaana shalay iyo xalay kor kala socday dagaalkii u dhaxeeyay ciidamada dowlada iyo kuwa taabacsan Musharaxiinta mucaaradka.
Magaalada Muqdisho qeybo kamid ah waxaa isku hor fadhiya ciidamada dowlada iyo kuwa kasoo horjeeda mudo kororsiga Madaxweyne Farmaajo, waxaana laga cabsi qabaa in mar kale dagaalamaan ciidamada iska soo horjeeda.
Dagaalkii xalay iyo shalay ka socday magaalada Muqdisho ayaan wali jirin wax heshiis ah oo laga gaaray, waxaana wali labada ciidan ee iska soo horjeeda wadaan hub aruursi iyo abaabul dagaal.
Xafiiska Shabakada Allbanaadir.com
Muqdisho Somalia
Allbanaadir@live.com
