Waxaa goordhaw dagaal culus oo la isku adeegsanayo hubka nuucyadiisa kala duwan uu ka bilowday magaalada Muqdisho gaar ahaan halka loo yaqaan Mirinaayada oo katirsan Degmada Cabdi Casiis.
Dagaalka oo hubka la isku adeegsanayo si weyn loo maqlayo ayaa ka socda xaafado ay degan yihiin Musharaxiinta Madaxweynaha Soomaaliya gaar ahaan Madaxdii hore ee dalka Xasan Sheekh iyo Sheekh Shariif.
Dagaalka socda ayaa loo maleenayaa in uu u dhaxeeyo ciidamo taabacsan Musharaxiinta iyo kuwa ka amar qaata dowlada federaalka Soomaaliya, lamana oga ilaa hada khasaaraha ka dhashay dagaalkan goordhaw bilowday.
Waxa uu kusoo aadayaa dagaalka socda xili maanta magaalada Muqdisho gudaha usoo galeen ciidamo badan oo wata gaadiidka dagaalka kuwaa oo kasoo horjeeda mudo kororsiga ay sameesteen Xildhibaanada golaha shacabka.
Waxii Warar ah ee kusoo kordha kala soco wararkayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
