Ciidamo katirsan milatariga Soomaaliya gaar ahaan Qeybta 27-aad ayaa howlgal ay ka fuliyeen inta u dhaxeysa degmooyinka Balcad iyo Jowhar waxa ay ku dileen sargaal katirsanaa Al Shabaab iyo nin ilaalo u ahaa.
Taliyaha Guutada 3-aad Qeybta 27-aad XDS Gaashaanle Sare Abshir Maxamuud Maxamed Shitaqeey, ayaa Warbaahinta dowlada u sheegay in ciidamada howlgal ay ka sameeyeen inta u dhaxeysa Balcad iyo Jowhar ku dileen sargaal katirsanaa Al Shabaab.
Shitiqeey ayaa sheegay in sargaalka ciidamada dileen uu ahaa sargaalkii Al Shabaab u qaabilsanaa qaraxyada gobolka Shabeelaha Dhaxe sidoo kale la dileen nin ilaalo u ahaa, waxa uuna xusay in ay qabteen labo dagaalyahan kale oo katirasn Al Shabaab.
Howlgalka ciidanka milatariga Soomaaliya ka fuliyeen inta u dhaxeysa Balcad iyo Jowhar ayaa imaanaya xili shalay qarax duleedka Balcad ka dhacay lagu dilay sargaal katirsanaa ciidanka milatariga Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
