Qaraxa loo adeegsaday miinada nooca dhulka lagu aaso oo meelaha fogfog laga hago ayaa waxaa uu ka dhacay Tuulada Gololey oo ku taal wadada xiriirisa degmada Balcad iyo Magaalada Jowhar.
Khasaaro isugu jira dhimasho iyo dhaawac ayaa haleelay mid ka mid ah gaadiid ay wateen ciidamada dowlada oo marayey wadadaasi.
Goob-joogayaal ayaa sheegay in qaraxa uu ku dhintay Sarkaal ka tirsanaa Ciidamada Mailletriga Soomaaliya oo lagu Magacaabi jiray Yaasiin Cabdi Tooxow.
Sarkaalka ayaa caan ka ahaa Gobolka Shabeellaha Dhexe, waxaana uu ka qeyb qaatay dagaalo degaano ka tirsan Gobolka Shdhexe looga saaray Al-Shabaab.
Ciidamo ka baxay degmada Balcad ayaa gaaray halka qaraxu ka dhacay iyagoo halkaasi kasoo qaaday meydka Yaasiin Cabdi Tooxow iyo askar kale oo waxyeelo kala duwan ay soo gaartay.
Wadada isku xirta Balcad iyo Jowhar Sh/dhexe ayaa ka dhacay marar badan qaraxyo miino iyo weeraro toos ah oo lagu dilay Saraakiil Ciidan iyo mas’uuliyiin ka tirsan Maamulka Hir-Shabeelle.
Xafiiska Shabakada Allbanaadir.com
Muqdisho Somalia
Allbanaadir@live.com
