Madaxweynaha muddo xileedkiisu dhamaaday ee Soomaaliya Mudane Maxamed Cabdullahi Farmaajo ayaa caawa saxiixay Sharciga Gaarka ah ee Jihaynta Doorashooyinka heer Federaal oo Baarlamaanka Soomaaliya ansixiyey shalay oo taariikhdu ahayd 12.04.2021, iyadoo aan la soo marsiin aqalka sare
Sharcigan ayaa heyadaha dastuuriga ah ee DF u sameynaya muddo kordhin labo sano ah, si loo qabto mudadaas doorasho dadweyne oo qof iyo cod ah.
Labo ka mid ah dowlad goboleedyada dalka oo kala ah Hirshabelle iyo Koonfur galbeed ayaa taageeray muddo kororsiga dowlada, halka saddexda kale ay si cad uga soo horjeesteen.
Sidoo kale musharaxiinta sugaayey doorashada Madaxwewynaha iyo siyaasiyiinta kale ee mucaaradka ayaa iyana ka soo horjeestay talaabada muddo kororsiga ah.
Wakiilada beesha caalamka qaarkood oo horey uga digay muddo kororsiga ayaa si cad uga hor yimid talaabada uu ku dhaqaaqay baarlamanka dalka, iyagoo digniino ku bixiyey iney qaadi doonaan talaabooyin adag hadii aan laga laaban muddo kororsiga.
Xafiiska Shabakada Allbanaadir.com
Muqdisho-Somalia
Allbanaadir@live.comÂ
