Wafdi uu hogaaminayo Wasiirka Caddaalada Soomaaliya, Cabdulqaadir Max’ed Nuur ayaa maanta gaaray magaalada Garowe caasimada Puntland.
Ujeedada wafdigan ayaa la sheegay iney tahay sidii ay ula soo wareegi lahaayeen maxaabiis burcad badeed ah oo muddo ku dhow 10 sano ku xiran xabsiga dhexe ee magaalada Garowe.
Maxaabiistan oo kasoo jeeda Galmudug ayaa sanadkii 2012 laga soo wareejiyay xabsiyada Jasiirada Sycheles, kadib markii xukuno lagu riday, waxaana loogu talo galay in ay xabsiyadooda ku dhameystaan dalka gudihiisa.
Maamulka Puntland iyo dowlada Seycheles heshiis dhexmaray ayaa Garoowe loogu soo wareeejiyey Maxaabiistan.
Dhowaan ayey aheyd markii wafdi ka socda Galmudug ay tageen Garoowe, ayna ka dalbadeen Puntland iney sii deyso maxaabiistan, hase ahaatee Puntland ayaa arrintaas ka hor timid, iyadoo sheegtay iney ku wareejin karto oo kaliya DF, waana taas sababta keentay wafdigan maanta gaaray Garoowe.
Xafiiska Shabakada Allbanaadir.com
Muqdisho Somalia
Allbanaadir@live.com
