Madaxweynaha Dowlad goboleedka Puntland Mudane Siciid Cabdullaahi Deni, ayaa maanta xarunta Xalane uu degan yahay kulan gaar ah kula qaatay Safiirka Dowlada Jabuuti u jooga Soomaaliya Danjire Aadan Xasan Aadan.
Kulanka dhax mkaray Madaxweyne Deni iyo Safiirka Jabuuti u jooga Soomaaliya ayaa looga hadlay xaaladda siyaasadeed ee Soomaaliya gaar ahaan khilaafka ka taagan doorashada Soomaaliya iyo sidii xal looga gaari lahaa.
Labada masuul ayaana kulankooda isku dhaafsaday aragtiyo ku aadan sida xal looga gaari karo khilaafka dib u dhaca u keenay doorashada Soomaaliya iyo sidii xal looga gaari lahaa ismari waaga wali taagan.
Madaxda maamulada Puntland iyo Jubbaland oo aragti ahaan iska soo horjeedaan DF iyo maamulada kale ee dalka ka jira ayaa kulamo kala duwan la qaatay wakiilo katirsan beesha caalamka iyo qaar kamid ah safiirada Soomaaliya u jooga wadamada caalamka.
Xafiiska Shabakada Allbanaadir.com
Muqdisho Somalia
Allbanaadir@live.com
