Allbanaadir.com
NEWS

Shir Xasaasi ah oo dhax maraya Ra’isul Wasaare Rooble iyo Madaxda maamul goboleedyada

Waxaa maanta la filayaa in Hotel kuyaala garoonka diyaaradaha Aadan Cadde ee magaalada Muqdisho kulan ku yeeshaan Ra’isul Wasaaraha Xukuumada Soomaaliya iyo madaxda maamul goboleedyada dalka ka jira.

Shirkan dhax maraya Ra’isul Wasaare Rooble iyo madaxda Shanta maamul goboleed ayaa diirada lagu saari doonaa arimaha doorashada iyo sidii uu u dhici lahaa shirweynaha looga hadlayo arimaha doorashada ee lagu balansan yahay.

Madaxda maanta shireysa ayaana la filayaa in ay isla meel dhigaan ajandayaasha kulanka guud ee looga hadlayo arimaha doorashada , waxaana shirkan horu dhac u yahay shirka beri ka furmaya teendhada Afisiyooni.

Maalmihii lasoo dhaafay waxaa magaalada Muqdisho shirar uga socday madaxda shanta maamul goboleed kuwaa oo isku soo dhawaaday iskuna afgartay in la isugu yimaado shir weyn oo qeyb ka tahay DF si looga hadlo khilaafka doorashada.

Wakiilada beesha caalamka ayaana gacan ka geestay kulamada iyo isku soo dhawaanshaha Madaxda dowlad goboleedyada, Beesha caalamka ayaana dadaal badan ku bixineysa sidii u furmi lahaa shirka Teendhada Afisiyooni ee marar badan baaqday.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Malaayiin dollar oo loogu deeqay Soomaaliya & hal arrin wax looga qabanayo

Caydiid Ali

Taliban oo cambaareysey qaraxyadii Kabul & Wararkii ugu dambeeyey (Sawirro)

Caydiid Ali

ATMIS oo war kasoo saaray dad ay arxandarro u dileen askartooda

Cabdi Cade
Taboola Ads ---