Xildhibaan Cilmi Max’ed Nuur oo ka mid ah xildhibaannada 15-ka ah uu Guddoonka baarlamaanka sheegay in laga mamnuucay shanta fadhi ee soo socota ayaa sheegay in isaga lagu soo daray liiska Xildhibaanada lagu eedeeyey iney fadhiga is hortaageen balse uusan joogin kulanka.
“Waxaan ku baraarugay in baaralamaankii oo lasoo xiray, bannaankaan joogay, warqadda soo baxday waxay sheegeysay inaan ku jiray dadkii is’hortaagay ee kulanku uu ka socon waayay balse anigu kama mid aheyn” ayuu yiri
Warqadda xayiraadda oo uu ku saxiixan yahay gudoomiyaha golaha shacabka ee Soomaaliya, Maxamed Mursal Sheekh Cabdiraxmaan ayaa waxaa ka qaybgalka fadhiyada looga joojiyay 15-ka xildhibaan.
Xildhibaannadaas ayaa lagu eedeeyay inay hor istaageen fadhigii shalay, hasa yeeshee isla Xildhibaannadaas ayaa guddoonka golaha shacabka waxay ku eedeeyeen inay ajanda qarsoon wateen ayna doonayeen iney meel mariyaan.
