Gudoonka golaha shacabka ee Baarlamaanka federaalka Soomaaliya ayaa goordhaw fariin qoraaleed u diray Xildhibaanada golaha shacabka, waxaana xildhibaanada lagu wargaliyay in ay soo xaadiraan kulanka beri.
Ajandaha kulanka golaha shacabka ayaa gudoonka golaha shacabka ku sheegeen ka doodista Cudurka Covid-19 iyo sidoo kale ansixinta labo xubnood oo kamid noqonaya guddiga madaxa banaan ee xuduudaha .
Kulanka beri ayaa daba socda kulankii shalay rabshada kusoo dhamaaday, lamana oga in ajandaha kulankan uu ku ekaan doono midka hada gudoonka shaaciyeen, waxaana shaki laga muujiyay in Gudoonka iyo Villa Soomaaliya wadaan qorshe mudo kororsi ah.
Gudoomiyaha golaha shacabka ee Baarlamaanka federaalka ayaa qoraal uu xalay soo saaray kaga mamnuucay ilaa shan kulan 15-xildhibaan oo katirsan Baarlamaanka federaalka kuwaa oo lagu eedeeyay in kulankii shalay rabsho ka abuureen.
