Xarakada Al Shabaab ayaa degmada Jilib ee gobolka Jubada Dhaxe kusoo bandhigtay diyaarad nuuca aan duuliyaha laheyn ee loo yaqaan Drone, taas oo kusoo dhacday deegaan ay maamulaan Al Shabaab.
Diyaaradan oo nuuca wax basaasa ayna ku xirnaayeen kaamirooyin iyo qalab kale ayaa kusoo dhacday deegaan hoostaga degmada Afmadow ee gobolka Jubada Hoose, waxaana diyaaradan loo qaaday degmada Jilib oo Al Shabaab awood badan ku leeyihiin.
Goobta lagu soo bandhigayay diyaaradan ayaa waxaa ku sugnaa saraakiil iyo masuuliyiin katirsan Al Shabaab, waxa ayna sheegeen in diyaaradan oo howlo basaas ah ku jirtay iska laheyd dowlada Mareykanka.
Diyaaradaha dagaalka Mareykanka ayaa duqeymo ka fuliya deegaanada Al Shabaab maamulaan, waxaana duqeymo diyaaradahaasi fuliyeen lagu dilay saraakiil sar sare oo katirsan Al Shabaab iyo dagaalyahano.
Xafiiska Shabakada Allbanaadir.com
Muqdisho Somalia
Allbanaadir@live.com
