War saxaafadeed kasoo baxay dowlada federaalka Soomaaliya ayaa si kulul loogu cambaareeyay rasaas la sheegay in ciidamada amaanka maamulka Puntland ku fureen dad shacab ah oo banaan bax ka dhigayay magaalada Dhahar ee Gobolka Sanaag.
Dowlada Soomaaliya warka kasoo baxay ayaa lagu sheegay in ciidamada amaanka Puntland si ula kac ah rasaas ugu fureen dad shacab aan hubeesneen oo dhigayay banaan bax nabadeed.
”Dowladda Federaalka Soomaaliya waxay aad uga xun tahay falkii foosha xumaa ee maanta ka dhacay magaalada Dhahar ee Gobolka Sanaag oo ay ciidamada Amniga Puntland si ula kac ah xoog iyo xabad ugu adeegsadeen bulshada ku dhaqan magaaladaas oo samaynayay banaanbax nabadeed.” ayaa lagu yiri qoraalka Dowlada kasoo baxay.
Dowlada Soomaaliya ayaa sheegtay in fal kasta oo waxyeello loogu geysanayo shacab aan hub wadan uu yahay mid aan la aqbali karin, waxa ayna dowlada Soomaaliya ku baaqay in la ilaaliyo nabadda iyo xasiloonida, shacabkana la dhawro.
Xafiiska Shabakada Allbanaadir.com
Muqdisho Somalia
Allbanaadir@live.com
