Wararka ka imaanaya degmada Baled Xaawo ee gobolka Gedo ayaa ku waramaya in halkaasi ay gaareen taliyaha ciidanka Nabad sugida iyo sirdoonka Qaranka Fahad Yaasiin iyo masuuliyiin kale oo katirsan dowlada Federaalka.
Waxaa sidoo kale degmada Balad Xaawo soo gaaray Wasiirkii hore ee amniga maamulka Jubbaland Cabdirashiid Janan iyo saraakiil kale oo katirsanaa maamulka Jubbaland kuwaa oo heshiis la gaaray dowlada federaalka.
Wararka aan heleyno ayaa sheegaya in degmada Beled Xaawo kulan xasaasi ah ku dhax maray taliyaha Hay’adda nabad sugida Fahad Yaasiin iyo wasiirkii hore ee amniga maamulka Jubbaland Cabdirashiid Janan.
Kulankan labada dhinac dhax maray ayaa lagu soo waramayaa in lagu dhameestirayay heshiiska ay gaareen dowlada federaalka iyo Cabdirashiid Janan oo mudo dagaal kula jiray ciidamada dowlada ee ku sugan Gedo isaga oo matalayay maamulka Jubbaland.
Heshiiska dowlada federaalka la gashay Cabdirashiid Janan ayaa ah mid lagu dhabar jabinayo Madaxweynaha Jubbaland Axmed Madoobe, waxaana Janan DF ku qancisay in ay cafineyso lana siinayo lacag badan si uu dalka dibadiisa ugu noolaado.
Xafiiska Shabakada Allbanaadir.com
Muqdisho Somalia
Allbanaadir@live.com
