Ra’iisul wasaaraha dalka Pakistan Imran Khan, ayaa laga helay cudurka Covid-19 ,labo maalin kadib markii uu qaatay talaalka kahor taga cudurkaasi, sida uu xaqiijiyay Wasiirka caafimaadka dalkaasi.
Wasiirka caafimaadka dowlada Pakistan Faysal Sultan, ayaa qoraal uu soo saaray ku shaaciyay in Ra’isul Wasaare Imran Khan laga helay cudurka Covid-19 uuna galay xaalad karanttil ah.
Faysal Sultan, ayaana faah faahin badan ka bixin xaalada Ra’isul Wasaaraha oo maanta laga helay Covid-19, waxa uuna cadeeyay in Imran Khan uu joogo gurigiisa uuna halkaasi isku karaantiilay.
Ra’isul Wasaare Khan oo 68 jir ah, ayaa maalmihii u dambeeyay waday ka qeyb galka shirar joogto ah oo uu ka mid yahay shir dhanka amniga ah oo lagu qabtay caasimadda Islamabad oo ay ka soo qayb galeen dad aad u tiro badan.
Imran Khan ayaana khamiistii qaatay talaalka loogu tala galay in uu kahor tago cudurka Covid-19, waxaana hada hadal heyn ka dhalatay in talaalkan cusub uu kahor tagi karo cudurkan dunida halakeeyay.
Xafiiska Shabakada Allbanaadir.com
Muqdisho Somalia
Allbanaadir@live.com
