Qarreenada u dooddayay Soomaaliya ayaa maxkamadda ICJ ka sheegay in mar walba dowladda Kenya dooneysay in wadahadal wax lagu xaliyo, iyadoo aaminsan in fursado badan aysan uga banaaneyn cadaalada.
Waxay meesha ka saareen warka ku saabsan in hadda ka hor labada dowladdood ogolaashiyo ka gaareen arrinta Badda, laakiin inta ay ogyihiin uusan jirin heshiis toos ah iyo mid dadban oo marnaba Soomaaliya iyo Kenya ka gaareen xudduud Baddeedka u dhaxeeya labada Waddan.
Hadallo Kenya marar badan oo hore ka soo yeeray ayeey ku tilmaameen in ay ahaayeen kuwo is burinaya, iyaga oo mar sheegay in uu heshiis jiray, mar kalana sheegay in uu jiro khilaaf arintan ku saabsan.
Mid ka mid ah qareenadda u doodayey Somalia oo lagu magacaabo Prof. Philippe Sands oo ka hadlayay dooda ay Kenya ku doodeyso ee ku saabsan Equitance line Litutiude waxaa uu ku soo bandhigay caddeymo aan sinnaba looga leexan karin oo burinaya waxa ay Nairobi ku dooneyso.
Waxaa uu tusaale usoo qaatay oo uu shaashada soo saaray in dhamaan shuruucda iyo Xeerarka Kenya ee kala ah Teritrotal Water ACT 1972 faqradiisa 2(4) iyo Martine Zone Act 1989 faqradiisa 3(4) iyo 4(4) ay ka hor imaanayaan Dooda ay Kenya soo gudbisatay isagoo soo xiganaya Xeer Ilaaliyaha Kenya qoraalkiisii doodii hordhaca aheyd ee bilowga Dacwada. (Fs. 2 ilaa 8 )
Waxaa sidoo kale iswaafaqsan ayuu yiri Xeerarkoodu waxa ugu qoran ka hor murankan kuwaasoo qoraya sida ay Soomaaliya u rabto in loo jeediyo xariijinta xaduud badeedka, iyo sidoo kale khariirado ay horay u gudbiyeen oo u dhigan, waafaqsanna sida ay Soomaaliya u rabto. (Fs.9 ilaa 19)
Sidoo kale wuxuu soo bandhigay Qareenku Khariiradda heshiisyo ay Dowladdii Soomaaliya ee Kacaanku shirkado caalami ah Blocks kula gashay oo muujinaya sida qaanuunku qabo, wax dood ahna Nairobi aysan ka keenin Xiligaas.(Fs.20 ilaa 23)
Dacwadda oo goor dhaw soo dhamaatay ayaa lagu waddaa in maalinta berri ah leysugu soo laabto,, iyadoo dhinaca Soomaaliya ay sheegeen in doodda Kenya marnaba wax rajo ah laheyn.
Doodda maanta waxaan ka maqnaa dhinaca Kenya oo iyagu ka cudurdaartay ka qeybgalka dacwadda, hasse ahaatee maxkamadda ayaa sheegtay in ay aad uga xun tahay tallaabada ay qaadday Kenya.
Xafiiska Shabakada Allbanaadir.com
Muqdisho Somalia
Allbanaadir@live.com
