Dowlada Cuman ayaa dalkeeda ka xanibtay app-ka cusub ee codka ah ee ‘Clubhouse’ , waxaana talaabada dowlada ku xanibtay app-kan cusub ka dhalatay cambaareyn iyo caro xoogan oo ka timid dhalinyarada.
Masuul katirsan dowlada Cuman ayaa sheegay in sababta appkan codka ee lagu doodo u xanibeen uu yahay in uusan heysan ruqsad uu uga howlgalo dalka Cuman, mana jiro faah faahin intaas dhaafsan oo dowlada Cuman kasoo baxay.
Talaabada dowlada Cuman ku xanibtay app-ka ‘Clubhouse’ ayaa hadal heyn badan ka abuuray gudaha dalkaasi, waxaana baraha bulshada dalka Cuman qabsaday cambaareyn loo jeedinayo dowlada Cuman.
Hay’adda xuquuqda aadanaha ee Cumaan ayaa si kulul u cambaareesay talaabadan dowlada ku xanibtay app-ka Mareykanka laga leeyahay ee ‘Cluphouse’ waxa ayna talaabadaasi ku tilmaameen mid ka dhan ah xuriyada hadalka.
App-ka cusub ee Cluphouse ayaa si weyn ugu baahay dunida, waxa uuna yahay barnaamijkan mid cod ah oo lagu qabto doodo sidoo kale leh qolol la isku dhaafsado aragtiyada .
Xafiiska Shabakada Allbanaadir.com
Muqdisho Somalia
Allbanaadir@live.com
