Waxaa goordhaw qarax nuuca miinada dhulka lagu aaso uu ka dhacay degmada Kaaraan ee gobolka Banaadir, qaraxan ayaana lagu weeraray gaari nuuca raaxada ah oo ka shaqeenayay wacyi galinta cudurka Covid-19.
Sida aan wararka ku helnay qaraxan lala eegtay gaari ay ku xirnaayeen codbaahiyaal dadka looga wacyi galinayay cudurka Covid-19 , waxaana qaraxan khasaaro isugu jira dhimasho iyo dhaawac uu kasoo gaaray dadkii la socday.
Inta la xaqiijiyay darawalkii gaariga ayaa qaraxa ku dhintay halka ay ku dhaawacmeen sadex askari oo kale, waxaana askarta dhaawacyada soo gaareen loola cararay xarumo caafimaad oo lagu daweenayo.
Qaraxyada miino ee la dhigo hareeraha wadooyinka magaalada Muqdisho ayaa soo badanaya,, waxa uuna qaraxan noqonayaa kii ugu horeeyay ee lagu weeraro gaadiidka ka shaqeenaya wacyi gelinta cudurka Covid-19.
Xafiiska Shabakada Allbanaadir.com
Muqdisho Somalia
Allbanaadir@live.com
