Waxaa is afgarad iyo isku soo dhawaansho laga gaaray waan waan laga dhax waday Ra’isul Wasaaraha Xukuumada Soomaaliya Maxamed Xuseen Rooble iyo Golaha midowga Musharaxiinta Madaxweynaha.
Ergo labada dhinac u kala dabqaadeysay ayaa ku guuleestay in isku soo dhawaansho la gaaro, waxa ayna ergada ku guuleesteen in meesha laga saaro shuruudo badan oo ku xirnaa in labada dhinac kulmaan, halka shuruudaha qaarna la fuliyay.
Sida laga soo xigtay xubno katirsan ergada waan waanta waday Ra’isul Wasaaraha Xukuumada Soomaaliya iyo Golaha Midowga Musharaxiinta ayaa lagu wadaa in maanta kulan ku yeeshaan Hotelka Decale ee ku dhaxyaala garoonka Aadan Cadde.
Kulanka ay yeelanayaan labada dhinac ayaa la filayaa in ay uga wada hadlaan rabshadihii ka dhashay banaan bixii Jimcaha iyo sidii mar kale Musharaxiinta loogu ogolaan lahaa in banaan bax nabdoon qabsadaan.
Lama oga in kulankan la filayo in uu dhax maro Ra’isul Wasaare Rooble iyo Midowga Musharaxiinta in uu meesha ka saari doono banaan baxa ay iclaamiyeen Musharaxiinta in beri lagu qaban doono Muqdisho.
Waxii warar ah ee kusoo kordha kala soco wararkayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
