Wararka ka imaanaya degmada Garbahaarey ee xarunta gobolka Gedo ayaa sheegaya in kooxo hubeesan xalay deegaan kuyaala duleedka magaaladaasi ku dileen nin kamid ahaa Ergadii soo dooratay Xildhibaanada Golaha Shacabka.
Labo nin hubeesan oo watay mooto Dhug dhugley ayaa la sheegay in gurigiisa ku dhax dileen Xasan Codey Julaas oo kamid ahaa Ergadii Xildhibaanada kusoo doortay magaalada Kismaayo, waxaana dilka kadib goobta ka baxsaday ragii hubeesnaa.
Sida aan Wararka ku heleyno ninkan ergada katirsanaa ee la dilay ayaa labo habeen kahor tagay deegaanka Far-leysaan oo kuyaala duleedka magaalada Garbahaarey halkaas ay degnaayeen qoyskiisa.
Al Shabaab ayaa horey u dishay tiro badan oo kamid ah ergadii soo dooratay Xildhibaanada Golaha shacabka, waxa ayna Al Shabaab ergooyinka ku beegsadaan goobaha ay joogaan haba ugu darnaateen magaalada Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
