Wasiiro katirsan Xukuumada Soomaaliya ay wehliyaan saraakiil ciidan iyo masuuliyiin kale ayaa goordhaw gaaray degmada Doolow ee gobolka Gedo, waxaana halkaasi kusoo dhaweeyay masuuliyiin iyo saraakiil katirsan dowlada Soomaaliya.
Wasiiradan gaaray degmada Doolow ayaa kala ahaa Wasiirka Gaashaandhiga Soomaaliya, Wasiirka Cadaalada iyo Wasiirka Warfaafinta, waxaana la sheegay Wasiiradan in qiimeyn ku sameyn doonaan khasaaraha shacabka kasoo gaaray dagaalkii Beled Xaawo.
Sida aan wararka ku helnay Wasiiradan oo waqti kooban ku sugnaa Doolow ayaa uga sii gudbay degmada Belad Xaawo ee gobolka Gedo, waxaana marka ay gaaraan halkaasi la filayaa in ay la kulmaan masuuliyiinta iyo saraakiisha dowlada ee halkaasi jooga.
Safarka wasiiradan ku tageen gobolka Gedo ayaa kusoo aadaya xili dhawaan Degmada Belad Xaawo uu ka dhacay dagaal xoogan oo dhaliyay khasaaro kala duwan oo u dhaxeeyay ciidamada Dowlada federaalka iyo kuwa maamulka Jubbaland.
Waxii Warar ah ee kusoo kordha kala soco Wararkayaga Dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
