Ciidamada dowlada Soomaaliya ayaa howlgal qorsheesan ay ka fuliyeen Deeganka Saydheelow oo qiyaastii 30-Km u jira Magaalada Baydhabo la sheegay in ay ku dileen saraakiil iyo dagaalyahano katirsan Al Shabaab.
Howlgalka ayaa intii ay ciidamada wadeen waxa ay dagaal kala kulmeen dagaalyahano katirsan Al Shabaab oo ku sugnaa deegaanka la weeraray, waxaana dagaalkaasi ka dhashay khasaaro labada dhinac soo gaaray.
Saraakiisha ciidanka dowlada hogaamineysay weerarka ayaa sheegay in dagaal ka dhacay deegaanka Saydheelow lagu dilay todobo dagaalyahan oo sadex kamid ah ahaayeen saraakiil halka afarta kalana ay ahaayeen dagaalyahano caadi ah.
Waxa ay sidoo kale saraakiisha ciidanka sheegeen in meydadka labo kamid ah saraakiisha Al Shabaab la geeyay magaalada Baydhabo sidoo kale intii howlgalkaasi socday ciidamada soo furteen hub iyo rasaas.
Ciidamada howlgalka fuliyay oo isugu jiray Milatari, booliis iyo nabad sugid ayaa markii damkbe dib ugu laabtay magaalada Baydhabo ee xarunta KMG ee Koonfur Galbeed halkaas oo markii hore duulaanka ka qaadeen.
Xafiiska Shabakada Allbanaadir.com
Muqdisho Somalia
Allbanaadir@live.com
